22-09-2023 | Занимливости
Исхраната игра клучна улога во нашиот живот, особено кај младите лица. Зеленчукот, со своите хранливи супстанции и витамини, треба да биде неизоставен дел од исхраната на секое младо лице. Во овој текст, ќе го продискутираме значењето на конзумирањето на зеленчук во исхраната на младите лица и како тоа може да им помогне да останат здрави и енергични.
Извор на витамини и минерали
Зеленчукот е богат извор на витамини и минерали кои се неопходни за развојот и функционирањето на организмот на младите лица. Некои од најважните хранливи супстанции кои се наоѓаат во зеленчукот вклучуваат витамини како A, C и K, како и минерали како калциум, железо и калиум. Овие супстанции помагаат во изградбата на јак имунолошки систем, изградба на коските и забрзување на метаболизмот.
Извор на антиоксиданти
Зеленчукот содржи антиоксиданти, како на пример бета-каротен и лутеин, кои се клучни во заштитата на клетките од слободните радикали. Овие антиоксиданти спречуваат оштетување на клетките и можат да го намалат ризикот од сериозни болести, како ракот и срцевите заболувања.
Одржување на телесната тежина
Зеленчукот, особено оној кој е нискокалоричен и богат со влакна, може да помогне во контролирањето на тежината кај младите лица. Тие го зголемуваат волкуменот на содржината во желудникот, што го намалува апетитот за висококалорична храна и оброци. Ова може да им помогне на младите лица да ја одржат телесната тежина тежина и да го намалат ризикот од обезност.
Подобрување на варењето на храната
Влакната во зеленчукот се одлични за дигестивното здравје. Ја стимулираат перисталтиката на цревата, спречувајќи констипација и други проблеми со дигестивниот систем. Овие хранливи супстанции ја подобруваат апсорпцијата на храна и ја спречуваат појавата на проблеми со варењето односно диспепсијата.
Подобрување на когнитивните функции
Истражувањата покажуваат дека зеленчукот може да има позитивно влијание врз когнитивните функции кај младите лица. Зеленчуците богати со витамини и антиоксиданти, можат да ја подобрат когницијата и концентрацијата, што може да им помогне на учениците и студентите да постигнат подобри резултати во учењето.
Заклучок
Зеленчукот треба да биде неизоставен дел од исхраната на младите лица, бидејќи им обезбедува есенцијални хранливи супстанции, антиоксиданти и влакна кои се неопходни за нивното здравје и развој. Конзумирајќи зеленчук со секој оброк, младите лица придонесуваат кон зачувувањето на своето здравје во многу аспекти. Затоа, потрудете се се секој оброк да внесете и зеленчук и на тој начин да инвестирате во своето здравје.
Д-р Иле Кузманоски
17-07-2023 | Здрави оброци
Состојки:
- 200г пилешко месо
- 100г нудли
- 50г марула
- 50г морков
- 50г црвена зелка
- 50мл соја сос
- 1 лажица мед
- 1 лажица путер од кикирики
- 30мл јаболкова киселина
- кршени бадеми
Постапка:
Чекор 1 – Во тенџере ставете го месото да се вари 20-25мин.
Чекор 2 – Во меѓувреме сечете ги морковот и црвената зелка.
Чекор 3 – Сварете ги нудлите според инструкциите на паковањето.
Чекор 4 – Подгответе го преливот. во мал длабок сад додадеде го соја сосот, јаболковата киселина, медот, путерот од кикирики и зачини по вкус (лук во прав, зачин за пилешко месо, црн бибер).
Чекор 5 – Откако месото ќе се свари исечете го на ситни парчиња или искубете го.
Чекор 6 – Додаде те ги сите состојки во длабок сад и полијте ги со преливот. Врз него додаде те ги кршените бадеми.
14-07-2023 | Здрави оброци
Состојки:
- 200г мисиркино мелено месо
- ½ главица кромид
- 1 чешне лук
- 400г сладок компир
- 2 лажици доматно пире
- тако зачин
Постапка:
Чекор 1 – На загреано тавче со малку масло додадете ги претходно исечканте кромид и лук да се пропржат неколку минути доека не добијат златно-кафеава боја.
Чекор 2 – Додадето го месото заедно со сол, мелен црно бибер и тако зачин. Пржете се додека месото не добие кафеава боја, околу 5-8 минути.
Чекор 3 – Во длабок сад измешајте го доматното пире со малку вода и додадете го во во месот. Оставете го на ниска температура да проврие.
Чекор 4 – Во меѓувреме подгответе го компирот. Добро измијтего со ладна вода и направете неколку дупки со вилушка низ цела негова површина. Ставете го во микробранова печка на највисока температура 10-12мин. некаде на половина свртете го од другата страна.
Чекор 5 – Откако сите состојки ви се подготвени, пресечете го компирот на пола. Внатрешноста треба да биде доста мека, па користејќи вилушка направете вдлабнатини и во двете половини. Вдлабнатините наполнете ги со месото. По желба додадете рендан кашкавал врз него.
11-07-2023 | Здрави оброци
Состојки:
- 1 средно голема тиква (Honeynut Squash или ButternutSquash)
- 1 лажица путер
- 100г ореви
- 2 лажици мед
- ½ лажичка цимет
Постапка:
Чекор 1 – Пресечете ја тиквата на пола и исчистете ги семките од неа.
Чекор 2 – Поставете ги двете половини во тепсија обложена со хартија за печење. Премачкајте ги со путерот. Врз нив подаде те го циметот.
Чекор 3 – На претходно загреана рерна на температура од 220С ставете ги да се печата 35-40 мин.
Чекор 4 – Откако ќе се испечат, додадете по 1 лажица мед на секое парче и по 50г ореви.
08-07-2023 | Истражувања и резултати
Во рамките на проектот Обединети за здравје се одржа уште една работилница за здрави животни навики, овој пат на Стоматолошкиот факултет во Скопје. Акцентот на оваа работилница беше посветен на важноста на здравите животни навики врз оралното здравје. Им благодариме на предавачите и учесниците за присуството и инволвираноста.
