30-04-2023 | Здрави оброци
Состојки:
- 50г бејби спанаќ
- 50г киноа
- ½ јаболко
- 100г пилешко месо
- ½ домат
- 50г фета сирење
- 20г ореви
- 1 лажица мед
- јаболкова киселина
- крема балсамико
Постапка:
Чекор 1 – Во длабок сад ставете ја киноата да се вари во 100мл. вода. Откако водата со киноата ќе зоври, намалете ја температурата и покријте го садот. Оставете да се вари 15мин.
Чекор 2 – На загреано тавче со малку масло додадете го месото исечено на ситни коцки и зачинете го. Пржете 10-15мин.
Чекор 3 – Во длабок сад ставете јаболкова киселина и мед. Убаво промешајте ги додека не добијат хомогена смеса.
Чекор 4 – Додадете го спанаќот и убаво промешајте го во сосос.
Чекор 5 – Врз него додадете исечен домат, и фета сирење.
Чекор 6 – Откако киноата и месото ќе бидат подготвени додадете ги над сирењето.
Чекор 7 – Јаболкото исечете го на кришки и ставете ги најгоре.
Чекор 8 – Полијте го со крема балсамико и додадете кршени ореви и брусница.
25-04-2023 | Истражувања и резултати
Погледнете дел од продуктивната атмосфера на нашата работилница за здрави животни навики оддржана во СОУ Јане Сандански Битола. Голема благодарност до сите учесници и нивниот укажан интерес за создавање здрави навики!
25-04-2023 | Здрави оброци
Состојки:
- 100г веганска смеса
- 100г паста
- 2 лажици доматно пире
- 150мл доматен сос
- 1 лажичка босилек
- 1 лажичка оригано
- 1 лажичка лук во прав
Постапка:
Чекор 1 – Сварете ја пастата според инструкциите на пакувањето.
Чекор 2 – Во меѓувреме пропржетеја веганската смеса со доматното пире, доматниот соси и зачините.
Чекор 3 – Врз претходно подготвената паста ставете ја смесата. Декорирајте со пармезан.
20-04-2023 | Здрави оброци
Состојки:
- 1 мала бебе тиква
- 2 чешниња лук
- ½ главица кромид
- 2 лажици кари
- 1 лажичка цимет
- 1 кутија(400мл) кокосово млеко
- 500мл зеленчуков бујон
- 1 лажица мед
- 50г печени семки од тиква
Постапка:
Чекор 1 – Во загреано тенџере со масло додадете го лукот и кромидот и пропржете 2 минути.
Чекор 2 – Додадете ја претходно на коцки исечената тиква и зачинете со сол, бибер, кари и цимет. Пржете 4-5 минути со повремени промешувања.
Чекор 3 – Додадете го бујонот, кокосовото млеко и медот.
Чекор 4 – Откако ќе зоврие намалете на средна температура, ставете капак и оставете го да вари 15-20 минути или додека тиквата не омекне.
Чекор 5 – Користејќи рачен блендер блендирајте ги состојките се додека не добиете смеса налик на пире.
Чекор 6 – Продолжете да варите на средна температура уште неколку минути.
Чекор 7 – Сервирајте со печените семки од тиква.
15-04-2023 | Здрави оброци
Состојки:
- 400г пилешко месо
- 100мл соја сос
- 200г брокула
- 200г морков
- 200г печурки
- 2 лажици нишесте
- 1 лажица доматен сос
- 1 лажица ѓумбир
- 1 лажица лук во прав
- 1 чаша ориз
Постапка:
Чекор 1 – Исецкајте го пилешкото месо на ситни коцки и измешајте го со неколку лажици соја сос и нишестето
Чекор 2 – На малку масло пропржете го ѓумбирот, а потоа и пилешкото месо
Чекор 3 – Додајте го зеленчукот кратко да се пропржи
Чекор 4 – Во сад на страна припремете го сосот мешајќи ги доматниот сос, соја сосот, лукот во прав и малку ѓумбир во прав со малку вода
Чекор 5 – Сосот додајте го во тавата да прокрчка
Чекор 6 – На крај додајте 2 лажици нишесте растворено со малку вода за да се згусне смесата
Чекор 7 – Сервирајте со сварен ориз
