Вежбањето помага во спречување и подобрување на голем број здравствени проблеми и болести, вклучувајќи висок крвен притисок, дијабетес и артритис. Истражувањата за менталното здравје и вежбањето покажуваат дека психолошките и физичките придобивки од вежбањето, исто така, можат да помогнат да се подобри расположението и да се намали анксиозноста.
Физичката активност и вежбањето не се иста работа, но и двете се корисни за вашето здравје.
Физичка активност е секоја активност која ги вклучува вашите мускули и побарува енергија, како на пример работа или активности во домаќинството или активности во слободно време.
Вежбањето е планирано, структурирано и повторувачко движење на телото кое се прави за подобрување или одржување на физичката кондиција.
Зборот „вежбање“ најчесто се поврзува со трчање. Но, вежбањето вклучува широк спектар на активности кои го зголемуваат нивото на активност за да ви помогнат да се чувствувате подобро.
Секако, трчањето, кревањето тегови, играњето кошарка и другите фитнес активности кои го поттикнуваат вашето срце побрзо да работи може да помогнат. Но, исто така може да помогне и физичката активност како што се градинарството, миењето автомобил, шетањето или многу други помалку интензивни активности. Секоја физичка активност што ве оттргнува од каучот и ве поттикнува да се движите може да ви помогне да го подобрите вашето расположение.
Вежбањето ослободува хемиски супстанции како ендорфин и серотонин кои го подобруваат расположението. Тие се природни хемикалии на мозокот, делуваат налик на канабис кои можат да го подобрат чувството на благосостојба. Тоа ги оттргнува мислите од грижите за да можете да се извлечете од циклусот на негативни мисли кои ја хранат депресијата и анксиозноста. Вежбањето и физичката активност можат да го намалат чувството на осаменост и изолација со тоа што ќе ве извлечат во светот, што придонесува до повеќе социјални интеракции, повеќе комуникација и стапување во контакт со други луѓе. Само разменување пријателска насмевка или поздрав додека шетате низ вашето соседство може да ви помогне да го подобрите вашето расположение. Постигнување на поставените цели или предизвици за вежбањето, дури и мали, може да ја зголеми вашата самодоверба. Подобрувањето на физичката форма прави да се чувствувате подобро за вашиот изглед. При континуирано вежбање се намалува стресот како и многу симптоми на состајби поврзани со менталното здравје како депресијата и анксиозноста што овозможува справување на здрав начин со истите. Правењето нешто позитивно за справување со депресијата или анксиозноста е здрава стратегија за справување.
Обидите да се чувствувате подобро преку пиење алкохол, да размислувате за тоа како се чувствувате или да се надевате дека депресијата или анксиозноста ќе исчезнат сами по себе може да доведе до влошување на симптомите.
За возрасните се препорачува најмалку триесет минути умерено до интензивно вежбање, 3 дена во неделата. Покрај тоа, овие 30 минути не мора да бидат континуирани; три пати физичка активност од 10 минути се подеднакво корисни како една 30-минутна прошетка.
Здравата исхрана ни помага да останеме во форма, пофокусирани и со повеќе енергија во текот на целиот ден. Секцијата за здрава храна и нутриција е лесно разбирлив ресурс, дизајниран да им помогне на младите да го подобрат својот начин на исхрана. Истиот содржи информативни статии на различни теми, вклучувајќи здрави рецепти, совети, информативни содржини околу микронутритиенси и макронутритиенси. Нашиот тим на лекари и нутриционисти ви нуди веродостојни информации, но на лесно разбирлив начин, особено прилагоден за млади луѓе, кои веќе можат самостојно да донесуваат одлуки и да прават избор на храната која ја конзумираат. Воедно содржи практични совети, кои ќе ви помогнат при изборот на здрави опции на намирници, контрола на големината на порциите ,подготовка на здрави оброци и сл. Преку пренесување на овие важни информации имаме за цел да ги охрабриме младите луѓе да донесат правилни одлуки во врска со нивната исхрана и нутриција. Сето ова ќе придонесе во намалувањето на ризикот од хронични заболувања во иднина. Без разлика дали сте ученик, студент, фитнес ентузијаст или зафатена-бизнис личност, тука ќе пронајдете се што ви е потребно за да направите позитивни промени во вашата исхрана со цел подобрување на целокупното здравје.
Здравата исхрана е од особено значење за младите луѓе, бидејќи може да им помогне да оддржат оптимална телесна тежина, да го подобрат нивото на енергија, но и влијаат и врз целокупното нивно здравје. Сепак, многу млади луѓе сметаат дека подготовката на оброците одзема многу време и затоа посегнуваат по брза храна. Ние ви нудиме неколку едноставни и лесни оброци кои се погодни за млади луѓе и за кои не е потребно многу време за подготовка.
“Smoothie” во чинија Smoothie во чинија е одлична опција за брз и здрав доручек. Тие се лесни за правeње и можат да бидат прилагодени според вашиот вкус и нутритивни потреби. На пример, лесно може да направите смути во чинија, со замрзнати бобинки, банана, јогурт и мед. Ставете ги сите намирници во блендер и ќе добиете вкусен и хранлив доручек. За да ве засити повеќе, можете да додадете малку гранола, јаткасти плодови или семиња.
Врап со зеленчук Враповите се одлична опција за брз и здрав ручек или вечера. Тие се лесни за подготовка и можат да бидат наполнети со различни видови зеленчук, како зелка, домат, краставица и пиперка. Исто така доколку сакате да го зголемите внесот на протеини, може да додадете пилешко или мисиркино месо. Со тоа овој оброк повеќе ќе ве засити. Како веганска или вегетеријанска опција, може да се додаде хумус или авокадо намаз.
Печен сладок компир Печениот сладок компир е одлична опција за здрава вечера. Тие се подготвуваат лесно и можат да се наполнат со различни состојки, како црн грав, рендано сирење или авокадо. Уште повкусна опција е доколку врз нив се додаде малку доматен сос или павлака.
Паста салата Паста салатата е одлична опција за брз и здрав ручек или вечера. Лесна е за правење и можи да биде прилагодена според вашите вкусови. Одлична опција е интегралната паста во комбинација со зеленчук како пиперка, домат, краставица или брокула. Во оваа салата исто така може да се додаде протеин како на пример пилешко, туна или грав.
Ова се само неколку примери за здрави и брзи оброци кои може самостојно да ги подготвите. Запомнете, здравата исхрана не мора да биде досадна, секогаш експериментирајте со нови рецепти и нови состојки со цел да најдете оброци во кои ќе уживате.
Интолеранција на глутен е состојба кога се чувствувате непријатно после јаденње на глутен. Може да се чувсвувате надуено со чести гасови, малаксано или уморно. уморни Глутенот е протеин кој се наоѓа во пченицата, јачменот, ‘ржта и другите житарки. Го има во многу вообичаени јадења и пијалоци, вклучувајќи тестенини, житарки и пиво. Глутенот може да го има и во некои комерцијални витамини, козметика, па дури и во одредени лекови.
Интолеранцијата на глутен и целијакија се различни. Луѓето со целијакија имаат автоимун одговор на глутенот. Ова значи дека нивните тела се обидуваат да се борат против глутенот како да е вирус. Оваа реакција предизвикува инфламација и оштетување на нивниот дигестивен тракт. Целијакијата е болест која е резултат на абнормален ген.
Сензитивноста на глутен и целијакијата предизвикуваат многу исти симптоми. Меѓутоа луѓето со сензитивност на глутен немаат присуство на абнормален ген ниту присуство на антитела. Постојат луѓе кои се родени со интолеранција на глутен а други развиваат подоцна во животот.
Интолеранција и алерфија на храна не се еднакви. Алергијата на храна, како на пример алергија на пченица, е кога имуниот систем хиперреагира после јаденје на одредена храна. Предизвикува чешање, повраќање, глад за воздух. Интолеранција на глутен не е алергија на глутен.
Луѓето со интолеранција на глутен ги имаат следните симптоми после неколку часа или денови откако консумитаат глутен:
Абдоминална болка
Анемија
Анксиозност
Надуеност или гасови
Чувство на мозочна магла или потешкотии во концентрација
Депресија
Дијареа или констипација
Замор
Главоболка
Болки во зглобови
Гаденње и повраќање
Исфлање по кожата
Како интолеранцијата на глутен се дијагностицира?
Докторот кој е одговорен за вашето здравје внимателно ги разгледува симптомите и анамнестичките податоци. Доколку се сомнева на интолеранција на глутен, постојата 3 чекори со кои се поставува дијагнозата:
Прв чекор: Јадете храна која содржи глутен во период од околу 6 недели. Во тој период се прават тестови преку крв и кожни тестови за да се исклучи алергија и целијакија. Не постои тест за докажување на интолеранција на глутен.
Втор чекот: Доколку немате алергија или целијакија се исклучува глутенот од исхраната во период од најмалку 6 недели. Во кој период знацително е ја се води запис за сите симптоми кои се искусуваат
Трет чекор: Доколку симптомите се подобрат во периодот на исхрана без глутен, глутенот повторно се воведува во исхарана. Доколку симптомите се вратат, најверојатно станува збор на интолеранција на глутен.
Како интолеранцијата на глутен се менаџира?
Не постои лек за интолеранција на глутен. Меѓутоа многу луѓе имаат подобрување на симптомите доколку се придржуваат на исхрана без глутен. Која може да се постигни преку:
Храна со помалку масти а повеќе растителни влакна
Регуларни тестови за проверка на
Анемија
Висок холестерол
Витамински или нутритивни дефицити
Со учење која храна, пијалоци или состојки содржат глутен и истите да се избегнуваат
Внимателно читање на декларациите за состав на храна и пијалоци
