21-06-2023 | Здрави оброци
Состојки:
- 1 голема ториља
- 2 лажици доматно пире или кечап
- 200г моцарела или кашкавал со намалена масленост
- 1 јајце
- 50г пилешка или мисиркина шунка
- печурки
- оригано
Постапка:
Чекор 1 – Ставете ги тортиљите на тава за печење и премачкајте ги со доматниот сос.
Чекор 2 – Врз доматниот сос додадете оригано.
Чекор 3 – Следно, нарендајте го кашкавалот врз сосот.
Чекор 4 – Додадете ги парчињата шунка.
Чекор 5 – Скршете едно јајце во средината на тортиљата. Зачинете.
Чекор 6 – Печете го во загреана рерна на 200°C, околу 7-10 минути или додека белката не е целосно испечена, а жолчката сеуште течна.
20-06-2023 | Здрави оброци
Состојки:
- 100г кокосово брашно
- 200г протеински пудинг од кокос или ванила
- 50 грама темно чоколадо
- лешници
Постапка:
Чекор 1 – Измешајте го протеинскиот пудинг со кокосовото брашно.
Чекор 2 – Од половина од смесата формирајте барови, кои ќе ги чоколадирате во растопеното темно чоколадо.
Чекор 3 – Од втората половина формирајте топчиња, во кои во средината ќе додадете по еден печен лешник.
17-06-2023 | Здрави оброци
Состојки:
- 300г пилешко месо
- 400г компир
- 2 јајца
- брашно
- дробен корнфлекс
Постапка:
Чекор 1 – Месото исечете го на ленит широки 3-5цм.
Чекор 2 – Секоја лента место најпрво извалкајте ја во брашно, потоа потопетеја во зматено јајце и накрај извалкајте ја во дробениот корнфлекс.
Чекор 3 – Во загреана рерна на 200C ставете ги да се печат 20-25 мин. или во Air Fryer 13-15 мин.
Чекор 4 – Исечете го компирот во форма на помфрит, измијте го во ладна вода, додадете зачини по избор, малку масло.
Чекор 5 – Во загреана рерна на 200C ставете ги да се печат 20-25 мин. или во Air Fryer 13-15 мин.
10-06-2023 | Здрави оброци
Состојки:
- 2 домати
- 100г маслинки
- 200г изварка
- 50мл млеко
- ½ интегрален багет
- магдонос
Постапка:
Чекор 1 – Интегралниот багет исечете го на парчиња со дебелина од 1цм.
Чекор 2 – Ставете го да се пече во загреана рерна на 220 степени 5-10 минути.
Чекор 3 – Изварката изблендирајте ја со млекото, сол, бибер и лук во прав.
Чекор 4 – Премачкајте го потпечениот багет со подготвената смеса.
Чекор 5 – Исецкајте ги доматите, маслинките и магдоносот. Посолете ги и измешајте ги.
Чекор 6 – Врз секое парче багет ставете по една лажица од смесата со доматите. Украсете со магдонос и крема балсамико.
01-06-2023 | Здрави оброци
Состојки:
- 100г овесни снегулки
- 250мл млеко (по можност)
- 150г овошје по избор
- ½ лажичка цимет
- 1 лажица мед
- Ванила екстракт
Постапка:
Чекор 1 – Кратко сварете ги овесните снегулки во млекото
Чекор 2 – Додајте го медот, ванила екстрактот и циметот и промешајте
Чекор 3 – Ставете го во длабока чинија и врз него ставете две лажици кокосово млеко
Чекор 4 – Додајте свежа излупена праска, суво грозје, сецкани бадеми и чија семе
30-05-2023 | Здрави оброци
Состојки:
- 3 зрели банани
- 200г овесно брашно
- 2 јајца
- 2 лажици засладувач по избор
- 2 лажици јаболково пире
- 150г грчки јогурт
- 100мл млеко
- Ванила екстракт
- пециво
Постапка:
Чекор 1 – Во длабок сад истропчкајте ги бананите.
Чекор 2 – Во истиот сад додадете ги јајцата, јаболковото пире, грчкиот јогурт, млекото и ванила кстрактот. Убаво мешајте додека смесата не се соедини.
Чекор 3 – Додадете ги сувите состојки, брашното и пецивото. Промшајте со маталка додека не добиете хомогена смеса.
Чекор 4 – Смесата ставете ја во модла за леб. Печете 35-45мин. на температура од 180С.
